भिलवडी स्टेशन ग्रुप ग्रामपंचायतीची स्थापना १९७५ साली झाली. यामध्ये भिलवडी स्टेशन, बुरुंगवाडी आणि जुळेवाडी या ग्रामपंचायतीचा समावेश होता. या नंतर १९८७ साली ग्रामपंचायत भिलवडी स्टेशन स्वतंत्र अस्तित्वात आली. भिलवडी स्टेशन गावचे ग्राम दैवत मारुती मंदिर आहे व दर वर्षी हनुमान जयंती मोठ्या उत्साहाने साजरी केली जाते आणि हनुमान जयंती लगतच्या शनिवारी हनुमान यात्रा भरवली जाते. या गावचा एक गाव एक गणपती असा गणेश उत्सव साजरा करणे बाबत नाव लौकिक आहे. सन २००६/२००७ या वर्षात संत गाडगेबाबा ग्राम स्वच्छता अभियाना अंतर्गत राज्य स्थरीय पुरस्कार मिळाला आहे. सन २००८-०९ साली गावाला महात्मा गांधी तंटामुक्त गाव शांतता पुरस्कार मिळाला.